Today: 14 Mar 2025 GMT   Tell Your Friend
Advertisements
      എസ്. ജയശങ്കറിനെതിരായ ഖാലിസ്ഥാന്‍ ആക്രമണ ശ്രമത്തെ ബ്രിട്ടന്‍ അപലപിച്ചു       യൂറോപ്പിന് മസ്കിന്റെ ഭീഷണി; യുഎസ് നാറ്റോ വിടണമെന്ന് ആഹ്വാനം       സുനിത വില്യംസിന്റെ മടക്കയാത്ര മാര്‍ച്ച് 16ന്       രണ്ടാമത്തെ റോക്കറ്റും പൊട്ടിത്തെറിച്ചു; ഞെട്ടലോടെ മസ്ക്       സിറിയയില്‍ ആഭ്യന്തര യുദ്ധം കനക്കുന്നു; യൂറോപ്പിലേക്ക് അഭയാര്‍ഥി പ്രവാഹം വീണ്ടും പെരുകും       കാലതാമസം ; ജര്‍മന്‍ റെയില്‍വേ നഷ്ടപരിഹാരമായി നല്‍കിയത് 197 മില്യണ്‍ യൂറോ       ചാറ്റ് ജിപിടിക്കും മാനസികസമ്മര്‍ദം!       ഏറ്റവും മലിനമായ 20 ലോക നഗരങ്ങളില്‍ 13 എണ്ണം ഇന്ത്യയില്‍       മാര്‍ക്ക് കാര്‍ണി ക്യാനഡ പ്രധാനമന്ത്രി       സിറിയയില്‍ ക്രിസ്ത്യാനികളെയും ഷിയാ മുസ്ളിങ്ങളെയും കൊന്നൊടുക്കുന്നു
ജര്‍മനിയുടെ സമ്പന്നത പൊളിഞ്ഞു ; വ്യവസായികമായി തകര്‍ന്ന കാര്‍ വിപണി പുനര്‍ജ്ജനിയ്ക്കുമോ ?
ജോസ് കുമ്പിളുവേലില്‍
ബര്‍ലിന്‍: ജര്‍മന്‍ വാഹന നിര്‍മാണ മേഖലയ്ക്ക് തകരാതിരിക്കാന്‍ വളര്‍ന്നേ മതിയാകൂ എന്ന അവസ്ഥയാണ് പുതുവര്‍ഷത്തില്‍ കാത്തിരിക്കുന്നത്. രാജ്യത്തിന്റെ സമ്പദ് വ്യവസ്ഥയുടെ നട്ടെല്ലായി കണക്കാക്കപ്പെടുന്ന വാഹന നിര്‍മാണ മേഖല കഴിഞ്ഞ വര്‍ഷം നേരിട്ടത് കടുത്ത പ്രതിസന്ധിയാണ്. രാജ്യം നേരിട്ട സാമ്പത്തിക മാന്ദ്യത്തിന്റെ പ്രധാന കാരണങ്ങളിലൊന്ന് വാഹന നിര്‍മാണ മേഖല ദുര്‍ബലമായതായിരുന്നു.

യൂറോപ്പില്‍ ഇലക്ട്രിക് വാഹനങ്ങളുടെ വില്‍പ്പന കുറഞ്ഞതും, ഒപ്പം ചൈനയില്‍ പെട്രോള്‍ ~ ഡീസല്‍ വാഹനങ്ങള്‍ക്കുള്ള ഡിമാന്‍ഡ് കുത്തനെ കുറഞ്ഞതും ജര്‍മന്‍ വാഹന നിര്‍മാതാക്കളെ രൂക്ഷമായി ബാധിച്ചു. പുതിയ വര്‍ഷത്തിലും മാന്ദ്യത്തില്‍ തുടരുന്ന രാജ്യത്തെ കരകയറ്റാന്‍ ഓട്ടോമൊബൈല്‍ മേഖല വളര്‍ച്ചയുടെ പാതയില്‍ തിരിച്ചെത്തേണ്ടത് അനിവാര്യമായിരിക്കുന്നു.

വാഹന നിര്‍മാണത്തിലെ പ്രതിസന്ധി മറ്റു പല മേഖലകളെയും നേരിട്ട് ബാധിക്കുന്നുണ്ട്. ഉദാഹരണത്തിന്, ചിപ്പുകള്‍ പോലെ, വാഹനങ്ങള്‍ക്ക് ആവശ്യമായ ചെറുഘടകങ്ങള്‍ നിര്‍മിച്ചു നല്‍കുന്ന സ്ഥാപനങ്ങള്‍.
സ്വാഭാവികമായും, വാഹന നിര്‍മാണവുമായി ബന്ധപ്പെട്ട തൊഴില്‍ മേഖലയും പ്രതിസന്ധിയില്‍ തന്നെ. യൂറോപ്പിലെ ഏറ്റവും വലിയ കാര്‍ നിര്‍മാതാക്കളായ ഫോക്സ് വാഗന്‍ വരും വര്‍ഷങ്ങളില്‍ ഘട്ടം ഘട്ടമായി പതിനായിരക്കണക്കിന് തൊഴിലാളികളെ പിരിച്ചുവിടാനുള്ള പദ്ധതി ഔദ്യോഗികമായി പ്രഖ്യാപിച്ചു കഴിഞ്ഞു.

ഇലക്ട്രിക് വാഹനങ്ങള്‍ക്കുള്ള സബ്സിഡി പെട്ടെന്ന് എടുത്തു കളഞ്ഞ സര്‍ക്കാര്‍ നടപടിയാണ് മേഖലയെ പ്രതിസന്ധിയിലേക്കു നയിക്കാന്‍ ഒരു പ്രധാന കാരണമെന്ന് പല വാഹന നിര്‍മാതാക്കളും ആരോപിക്കുന്നു. ഒപ്പം, ഇലക്ട്രിക് മേഖലയില്‍ മുന്‍പ് യുഎസില്‍നിന്നുള്ള ടെസ്ളയെ മാത്രം നേരിട്ടാന്‍ മതിയായിരുന്നു. ഇപ്പോള്‍ ചൈനയില്‍ നിന്ന് നിരവധി ഇലക്ട്രിക് കാര്‍ ബ്രാന്‍ഡുകളാണ് പുറത്തിറങ്ങുന്നത്.

പരമ്പരാഗത ഇന്ധനങ്ങള്‍ ഉപയോഗിക്കുന്ന വാഹനങ്ങള്‍ക്ക് വലിയ ഭാവിയില്ലെന്ന കാര്യം നേരത്തെ തന്നെ മനസിലാക്കിയാണ് ജര്‍മനിയിലെ പല പ്രമുഖ വാഹന നിര്‍മാണ കമ്പനികളും ഇലക്ട്രിക് മേഖലയില്‍ കൂടുതല്‍ നിക്ഷേപം നടത്തിയത്. എന്നാല്‍, ഇതിനു മതിയായ പിന്തുണ സര്‍ക്കാരിന്റെ ഭാഗത്തുനിന്നു ലഭിക്കാത്ത അവസ്ഥയാണ് അവരില്‍ പലരും ചൂണ്ടിക്കാട്ടുന്നത്. ചൈനയില്‍ നിന്ന് കൂടുതല്‍ ഇലക്ട്രിക് വാഹനങ്ങള്‍ പുറത്തിറങ്ങുന്നതു കാരണം അവിടേക്കുള്ള കയറ്റുമതിക്ക് സാധ്യതയില്ല. എന്നുമാത്രമല്ല, ചൈന അവരുടെ കാറുകള്‍ മറ്റു പല രാജ്യങ്ങളിലേക്കും കയറ്റുമതി ചെയ്യുന്നുമുണ്ട്. ഒപ്പം, പെട്രോള്‍, ഡീസല്‍ വാഹനങ്ങള്‍ക്ക് ചൈനയില്‍ ഡിമാന്‍ഡ് കുത്തനെ ഇടിയുകയും ചെയ്യുന്നു.

ചൈന നടത്തിയ അദ്ഭുതകരമായ സാങ്കേതിക മുന്നേറ്റവും, പുതിയ വിപണികള്‍ കീഴടക്കാനുള്ള പരിശ്രമവും ഫലം കാണുമ്പോള്‍ തളരുന്നത് ഈ മേഖലയിലെ ഒന്നാം സ്ഥാനക്കാരായിരുന്ന ജര്‍മന്‍ കാര്‍ നിര്‍മാതാക്കളാണ്. ലോകത്തെ തന്നെ രണ്ടാമത്തെ വലിയ വിപണിയായ ഇന്ത്യയിലും ജര്‍മനിയുടെ സാധ്യതകള്‍ മങ്ങുകയാണ്. ചൈനയില്‍ നിന്നും കൊറിയയില്‍ നിന്നുമുള്ള കൂടുതല്‍ വാഹനങ്ങള്‍ ഇന്ത്യന്‍ വിപണിയിലേക്ക് കുറഞ്ഞ വിലയ്ക്ക് എത്തുന്നതാണ് കാരണം.

ഇതിന്റെയൊക്കെ ഫലമായി 2019 മുതല്‍ 2023 വരെ ജര്‍മന്‍ വാഹന നിര്‍മാണ മേഖലയില്‍ 46,000 തൊഴിലാളികള്‍ക്കാണ് ജോലി പോയത്. 2035 ആകുന്നതോടെ ഒന്നര ലക്ഷത്തോളം പേര്‍ക്ക് ജോലി നഷ്ടപ്പെടുമെന്നും കണക്കാക്കുന്നു.
- dated 31 Jan 2025


Comments:
Keywords: Germany - Otta Nottathil - car_industry_germany_problems Germany - Otta Nottathil - car_industry_germany_problems,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
1
വേള്‍ഡ് മലയാളി കൗണ്‍സില്‍ അന്താരാഷ്ട വനിതാ ദിനാഘോഷം കെങ്കേമമായി Recent or Hot News
തുടര്‍ന്നു വായിക്കുക
Joseph_vadakkemuriyil_died_march_12_2025
ജോസഫ് വടക്കേമുറിയില്‍ ജര്‍മനിയില്‍ അന്തരിച്ചു Recent or Hot News
തുടര്‍ന്നു വായിക്കുക
scandal_in_munich_auslaender_behoerde_7_employees_arrested
പണം വാങ്ങി ജര്‍മനിയില്‍ അഭയം ; എമിഗ്രേഷന്‍ ഓഫീസില്‍ റെയ്ഡ് മ്യൂണിക്കില്‍ 7 പേരെ അറസ്ററ് ചെയ്തു Recent or Hot News
തുടര്‍ന്നു വായിക്കുക
tanker_lorry_hits_tram_3_dead
ജര്‍മനിയില്‍ ടാങ്കര്‍ ലോറി ട്രാമില്‍ ഇടിച്ചു മൂന്ന് മരണം Recent or Hot News
തുടര്‍ന്നു വായിക്കുക
scandal_auslaennder_behoerde_munich_7_arrested
പണം വാങ്ങി ജര്‍മനിയില്‍ അഭയം ; എമിഗ്രേഷന്‍ ഓഫീസില്‍ റെയ്ഡ് ; മ്യൂണിക്കില്‍ 7 പേരെ അറസ്ററ് ചെയ്തു Recent or Hot News
തുടര്‍ന്നു വായിക്കുക
family_meet_syro_malabar_community_regensburg_nazareth_2025
റേയ്ഗന്‍സ്ബുര്‍ഗില്‍ സീറോ മലബാര്‍ കുടുംബസംഗമം നടത്തി
തുടര്‍ന്നു വായിക്കുക
airport_strike_germany_more_flights_cancelled
വിമാനത്താവള പണിമുടക്ക് ; ജര്‍മനിയിലെ വ്യോമഗതാഗതം തടസപ്പെട്ടു
തുടര്‍ന്നു വായിക്കുക
1
List all titles
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us